અપના કામ બનતા, ભાડ મે જાયે જનતા… દેશના લોકો મંદી-મોંઘવારીમાં ઝઝૂમે અને ખેલાડીની IPLમાં કરોડોની કમાણી

2023નું વર્ષ બધાને યાદ છે કે જ્યારે વિશ્વ પર મંદીનો ખતરો ઘેરો બન્યો હતો. લોકોને ખાવાના પણ ફાંફાં પડી ગયા હતા, પરંતુ, કોઈપણ દેશ મંદીનો શિકાર બન્યો નથી. વર્ષ 2024 પછી દુનિયાભરની અર્થવ્યવસ્થાઓમાં સુધારા જોવા મળી રહ્યા છે, પરંતુ અચાનક જ એવા સમાચાર આવ્યા છે જે તમારા હોશ ઉડી જશે. દુનિયાનો એક દેશ જેને ખૂબ જ સમૃદ્ધ માનવામાં આવે છે તે મંદીનો શિકાર બની ગયો છે. ટેક્નિકલ રીતે આ દેશનો વિકાસ દર સતત બે ક્વાર્ટર સુધી શૂન્યથી નીચે રહ્યો અને તેને મંદી તરીકે ઓળખવામાં આવે છે. જો કે, ભારતમાં આયોજિત ઇન્ડિયન પ્રીમિયર લીગ (IPL)માં આ દેશના ઘણા ક્રિકેટ ખેલાડીઓ કરોડો રૂપિયાની કમાણી કરી રહ્યા છે.

અમે વાત કરી રહ્યા છીએ આર્થિક રીતે સમૃદ્ધ દેશ ન્યુઝીલેન્ડની. સામાન્ય રીતે લોકો કલ્પના પણ કરી શકતા નથી કે ન્યુઝીલેન્ડ જેવા દેશમાં લોકો ગરીબીનો શિકાર બની શકે છે. ન્યુઝીલેન્ડની સત્તાવાર આંકડાકીય એજન્સી સ્ટેટિસ્ટિક્સ NZએ જણાવ્યું છે કે ગયા વર્ષે અર્થતંત્ર મંદીમાં હતું. સપ્ટેમ્બર ક્વાર્ટરમાં ગ્રોસ ડોમેસ્ટિક પ્રોડક્ટ (જીડીપી)માં -0.3 ટકા અને ડિસેમ્બર ક્વાર્ટરમાં -0.1 ટકાનો ઘટાડો નોંધાયો હતો.આટલું જ નહીં, માથાદીઠ આવકમાં ઘટાડાથી દેશના લોકોને પણ ફટકો પડ્યો છે. ન્યુઝીલેન્ડની માથાદીઠ જીડીપી પણ 2022 માં તેની ટોચથી લગભગ 4 ટકા ઘટી છે.

જોકે, મંદીના આ આંકડા નવી સરકારની રચના પહેલાના છે. પરંતુ દોઢ વર્ષમાં બીજી વખત મંદીનો ખતરો ઉભો થયો છે તે ચિંતાનો વિષય છે. આ વર્ષે ફેબ્રુઆરીના અંતમાં કરાયેલા સર્વેમાં લોકોએ જૂની સરકારને આંચકો આપ્યો હતો. ન્યુઝીલેન્ડમાં વિકાસ દર શૂન્યથી નીચે રહ્યા બાદ આવકમાં પણ ઘટાડો થયો છે. આ બધાની વચ્ચે નાણા મંત્રી નિકોલા વિલિસ 30 મેના રોજ પોતાનું પહેલું બજેટ રજૂ કરશે.

એક તરફ દેશની અર્થવ્યવસ્થા મંદીનો શિકાર બની છે તો બીજી તરફ સામાન્ય માણસ મોંઘવારી સામે ઝઝૂમી રહ્યો છે. ડિસેમ્બર સુધી ફુગાવાનો આંકડો 4.7 ટકા હતો, જે સેન્ટ્રલ બેન્ક ઓફ ન્યૂઝીલેન્ડના 3 ટકાના લક્ષ્યાંકથી થોડો દૂર છે. સ્વાભાવિક રીતે જ દેશે પોતાની જરૂરિયાતો પૂરી કરવા દેવાનો સહારો લેવો પડશે. જો કે, આ દરમિયાન નવી સરકાર માટે ખરાબ સમાચાર પણ આવી રહ્યા છે, કારણ કે IPSOS સર્વે અનુસાર, લોકોને નવી ચૂંટાયેલી સરકારમાં વિશ્વાસ હોય તેવું લાગતું નથી.

એક તરફ આ દરિયાઈ દેશ મંદી અને મોંઘવારી સામે ઝઝૂમી રહ્યો છે અને બીજી તરફ તેના ક્રિકેટ ખેલાડીઓ IPLમાં કરોડો રૂપિયાની કમાણી કરી રહ્યા છે. ન્યુઝીલેન્ડના ડેરીલ મિશેલને આ વખતે ચેન્નાઈ સુપર કિંગ્સે 14 કરોડ રૂપિયામાં ખરીદ્યો છે. આ સિવાય ઓપનર રચિન રવિન્દ્રને પંજાબ કિંગ્સ ઈલેવન દ્વારા 1.8 કરોડ રૂપિયામાં ખરીદ્યો છે. ઓલરાઉન્ડર લોકી ફર્ગ્યુસનને RCBએ 2 કરોડ રૂપિયામાં ખરીદ્યો છે. ન્યુઝીલેન્ડના અન્ય ઘણા ખેલાડીઓ પણ આઈપીએલની વિવિધ ટીમો સાથે જોડાયા છે.